Galería de FotosPR-G91. A POBRA DO CARAMIÑAL
 |
Pinche para ampliar |
 Versión en PDF (22 MB) |
Descrición:
Ruta de dificultade media-alta, dirixida a persoas en bo estado físico debido aos desniveis existentes. A baixada dende o lugar do Alto das Brañas ata as piscinas do río Pedras, contornando o río San Xoán, describe unha forte pendente con abundancia de penedos. Esta ruta dá a coñecer o entorno natural e cultural da Pobra do Caramiñal, contando con sorprendentes vistas á Ría de Arousa.
a. Alto das Brañas – Piscinas do río Pedras: a ruta descende polo río San Xoán, ata chegar ao convento da Misarela, pasando por piscinas naturais, fermosas fervenzas e divisando panorámicas da Ría de Arousa. O roteiro presenta neste tramo un grao de dificultade alto, debido ao terreo irregular e á forte pendente. Na parte final do descenso atópanse as ruínas do convento da Misarela , punto onde conflúen os cursos fluviais dos ríos San Xoán e Barbanza para formar o río Pedras. O cauce deste río transcorre por terreo de rocha granítica e debido á erosión do mesmo, formáronse unhas piscinas naturais escavadas na propia rocha ao carón da arboreda típica de ribeira, conformando un escenario de gran beleza.
b. Piscinas do río Pedras- Aldea Vella: este tramo cruza a ponte de pedra da Misarela, de orixe medieval. No mesmo sendeiro, a uns 50 metros da ponte, atópanse os petroglifos da Misarela . Contornando o río Pedras o sendeiro lévanos ata Aldea Vella , fin de traxecto no concello da Pobra do Caramiñal.
